اقيىق اقىن مۇقاعالي ماقاتاەۆتىڭ 90 جىلدىق مەرەيتويى تەۋەلسٸزدٸكتٸڭ 30 جىلدىعىمەن تۇسپا-تۇس كەلٸپ وتىر. بۇل تۋرالى قازاقستان پرەزيدەنتٸ قاسىم-جومارت توقاەۆ Twitter-دەگٸ پاراقشاسىندا جازدى.
«بٷگٸن – اقيىق اقىن مۇقاعالي ماقاتاەۆتىڭ تۋعانىنا 90 جىل. مۇقاعالي پوەزيياسى – كٷللٸ قازاقتىڭ بولمىس-بٸتٸمٸ. ونىڭ سىرلى سەزٸمگە تولى جىرلارى قالىڭ وقىرماننىڭ جٷرەگٸنەن ورىن الدى. اقىن مەرەيتويى تەۋەلسٸزدٸگٸمٸزدٸڭ 30 جىلدىعىمەن تۇسپا-تۇس كەلٸپ وتىر. بۇل – ەر قازاقتىڭ شاڭىراعىنداعى مەرەيلٸ توي» دەلٸنگەن حابارلامادا.
مۇقاعالي (مۇحامەدقالي) سٷلەيمەنۇلى ماقاتاەۆ الماتى وبلىسى رايىمبەك اۋدانى قاراساز اۋىلىندا 1931 جىلى 9 اقپاندا دٷنيەگە كەلگەن. اقىننىڭ ازان قويىپ شاقىرعان اتى — مۇحامەتقالي. بٸراق اتا-اناسى پايعامبار اتىمەن جٷرۋ اۋىر تيەدٸ دەپ سەبي كٷنٸنەن "مۇقاعالي" دەپ ەركەلەتكەن.
مۇقاعالي ماقاتاەۆتىڭ العاشقى جىر جيناعى 33 جاسىندا شىققان. بۇدان كەيٸن 1964-76 جىلدار ارالىعىندا سەگٸز جىر جيناعى جارىق كٶرەدٸ. بٷگٸندە اقىننان 1 000-نان استام ٶلەڭ مەن پوەما قالدى. اقىننىڭ "قىرمان باسىندا", "قويشى بالا — ەكٸتاي" ٶلەڭدەرٸ 1949 جىلى "سوۆەتتٸك شەكارا" گازەتٸندە باسىلىپ شىقتى. بۇدان كەيٸن 1951 جىلى "ٸنٸمنٸڭ ويى", "شەبەر" ٶلەڭدەرٸ "جاستىق جىرى" اتتى جيناققا ەندٸ.
مۇقاعالي ماقاتاەۆ پوەما مەن پوەزييادان بٶلەك, اۋدارما دا جاساعان.
اقىن 1976 جىلدىڭ 27 ناۋرىزىندا باۋىر تسيرروزى اۋرۋىنان كٶز جۇمدى.
