Qaýipsizdik jónindegi 56-shy Miýnhen konferentsiiasynyń aiasynda Memleket basshysy Dúniejúzilik densaýlyq saqtaý uiymynyń Bas direktory Tedros Adhan Gebreiesýspen jáne Halyqaralyq Qyzyl Krest komitetiniń prezidenti Peter Maýrermen kezdesý ótkizdi, dep habarlaidy "Ult aqparat" Aqordaǵa silteme jasap.
Tedros Adhan Gebreiesýspen áńgimelesý barysynda Qazaqstan men Dúniejúzilik densaýlyq saqtaý uiymy arasyndaǵy yqpaldastyqtyń, sonyń ishinde koronavirýstyń taralýyna qarsy is-sharalardyń ózekti máseleleri talqylandy.
Qasym-Jomart Toqaev koronavirýstyń taralýynyń aldyn alý jáne oǵan jol bermeý úshin Qazaqstanda qabyldanǵan sharalar týraly aitty.
Dúniejúzilik densaýlyq saqtaý uiymynyń basshysy Qazaqstan Prezidentine koronavirýstyń taralýyna bailanysty álemdegi ahýal jaiynda málimet berdi.
Peter Maýrermen kezdesýde Qazaqstan men Halyqaralyq Qyzyl Krest komiteti arasyndaǵy bailanystardy odan ári nyǵaitý máseleleri qarastyryldy. Taraptar halyqaralyq kún tártibindegi ortaq máseleler týraly pikir almasty.
Qasym-Jomart Toqaev Qazaqstan tarapynan júrgizilgen «Jýsan» jáne «Rýsafa» gýmanitarlyq operatsiialardyń barysynda HQKK-niń kórsetken qoldaýyna joǵary baǵa berdi.
Peter Maýrer Prezidentke Qazaqstanda Halyqaralyq Qyzyl Krest komitetiniń ókildigin ashýǵa múmkindik bergeni úshin rizashylyq bildirdi.
Kezdesý sońynda Memleket basshysy Qasym-Jomart Toqaev Qazaqstan men Halyqaralyq Qyzyl Krest komitetiniń arasyndaǵy yntymaqtastyqty damytýǵa qosqan úlesi úshin Peter Maýrerge II dárejeli «Dostyq» ordenin tapsyrdy.
