Memleket basshysy Q. Toqaevtyń Qazaqstan musylmandaryn Oraza ait merekesimen quttyqtaýy
Qurmetti otandastar!
Barsha musylman qaýymyn Oraza ait merekesimen shyn júrekten quttyqtaimyn.
Adamgershilikke, meiirim men qaiyrymdylyqqa úndeitin qasietti Ramazan aiynyń aiaqtalýy – kúlli musylman úmbeti úshin mańyzdy mereke.
Oraza ait kúnderi ár musylman týǵan-týystary men baýyrlaryna qamqorlyq kórsetip, muqtaj jandarǵa qol ushyn sozyp, óziniń rýhani damýyna zor mán beredi.
Izgi oilar men igi ister ózara túsinistik pen kelisimge bastaidy, adamdardy ortaq maqsat-múddege jeteleidi.
Qazaqstan – beibit ómir men jasampazdyqtyń mekeni. Ózge dini senimderge qurmet, toleranttylyq pen adamgershilik qundylyqtar – halqymyzǵa tán igi qasietter.
Islam ilimi Otanǵa degen súiispenshilik pen ulttyq dástúrge berik qoǵamymyzdyń rýhani jańǵyrý ideiasyna tolyq sai keledi.
Elimiz aman, jurtymyz tynysh bolsyn!
Ár shańyraqqa baq-bereke tileimin!
Oraza ait qutty bolsyn!
