Foto: Gov.kz
Memleket basshysy Qasym-Jomart Toqaev Qazaqstan halqyn Qazaqstan halqynyń birligi kúni merekesimen quttyqtady, dep habarlaidy Ult.kz.
Prezident óz quttyqtaýynda bul meiram qoǵamdaǵy tatýlyq pen ózara syilastyqty dáripteitin mańyzdy kún ekenin atap ótti. Onyń aitýynsha, Qazaqstanda túrli etnos ókilderi bir shańyraq astynda tatý-tátti ómir súrip, eldiń damýyna birge úles qosyp keledi.
"Kezinde taǵdyrdyń jazýymen elimizde turaqtaǵan túrli etnos ókilderi Qazaqstan atty kieli Shańyraqtyń astynda bir úidiń balasyndai tatý-tátti ómir súrip jatyr. Bul – bárimizge ortaq igilik.
Dana halqymyz «Tatýlyq – taýsylmas baqyt» dep beker aitpaǵan. Biz – beibit zamannyń qadirin biletin, ainalasyna janashyrlyqpen qaraityn, árdaiym kómek qolyn sozýǵa daiyn turatyn elmiz. Bul – birtutas ultymyzdyń bolmysyna tán qasiet. Biz osy biregei dástúrdi kózdiń qarashyǵyndai saqtap qalýymyz kerek.
Bizdiń kózqarasymyz ártúrli bolǵanymen, tilegimiz – bir. «Birligimiz – áralýandyqta» formýlasy memlekettik saiasat pen azamattarymyzdyń kúndelikti ómiriniń ózegine ainaldy.
Sondyqtan biz birlik, yntymaq, etnosaralyq jáne konfessiiaaralyq tatýlyq qaǵidattaryn jańa Konstitýtsiianyń preambýlasynda naqty kórsettik.
Bul – Qazaqstan halqynyń sanaly túrde jasaǵan tańdaýy. Sebebi azamattarymyz barshaǵa birdei quqyqtar men múmkindikter beretin elde, ádil, turaqty jáne baqýatty qoǵamda turýdy qalaidy.
«Zań men tártip» tujyrymdamasy elimizdegi aýqymdy jańǵyrý úderisiniń arqaýy retinde osy biik maqsatqa jetýimizge kepil bolmaq.
Bizdiń tarihymyz, búginimiz jáne bolashaǵymyz – bir. Bul –Qazaqstan halqynyń sarqylmas kúsh-qýaty men otanshyldyq rýhynyń aiqyn kórinisi. Biz bárimiz bir el bolyp jumylyp, ósip-órkendeý jolynda biik belesterdi baǵyndyra beretinimizge kámil senemin", - dep jazdy Memleket basshysy.
Sóz sońynda Qasym-Jomart Toqaev barsha azamattarǵa zor densaýlyq, amandyq jáne baq-bereke tilep, eldiń birligi men turaqtylyǵy aldaǵy ýaqytta da nyǵaia túsetinine senim bildirdi.
