Memleket basshysy Qasym-Jomart Toqaev qazaqstandyqtardy Alǵys aitý kúnimen quttyqtady, dep habarlaidy "Ult aqparat".
«Qurmetti otandastar!
Sizderdi Alǵys aitý kúnimen shyn júrekten quttyqtaimyn!
Elbasy 2015 jyly Qazaqstan halqy Assambleiasynyń sessiiasynda jariialaǵan osy aitýly merekeniń máni tereń, mańyzy erekshe.
Bul kúni halqymyzdyń bir-birine ózara qamqorlyǵy, myzǵymas bereke-birligi men yntymaǵy keńinen dáripteledi.
Biz osy qundylyqtardyń arqasynda memlekettigimizdi jańǵyrtyp, túrli syn-qaterden súrinbei óttik. Qazir Táýelsizdigimizdiń 30 jyldyq belesin áleýmettik-ekonomikalyq saladaǵy jáne halyqaralyq deńgeidegi tolaǵai tabystarmen qarsy alǵaly otyrmyz.
Búginde azamattarymyz egemen elimizdi damytýǵa, qasterli qazaq jerindegi beibitshilikti, tatýlyq pen kelisimdi nyǵaitýǵa ólsheýsiz úles qosýda.
Men barshańyzǵa Otanymyzdyń órkendeýi jolynda sińirgen jasampaz eńbekterińiz úshin alǵys aitamyn.
Biz birtutas jáne eńbekqor ult bolsaq, kózdegen maqsattarymyzǵa jetemiz. Bárimiz birge ádiletti qoǵam quryp, memlekettiligimizdi ornyqtyra túsemiz dep senemin.
Barshańyzǵa zor densaýlyq, baq-bereke jáne mol igilik tileimin!», - delingen Memleket basshysynyń quttyqtaýynda.
