Prezident bolyp qaita sailanǵan Qasym-Jomart Toqaev Qazaqstan halqyna ant berdi, - dep habarlaidy "Ult aqparat".
Aldymen inaýgýratsiia ótetin zalǵa Qazaqstan Respýblikasynyń Týy, shtandarty men Konstitýtsiiasy ákelindi.
"Qazaqstan halqyna adal qyzmet etýge, Qazaqstan Respýblikasynyń Konstitýtsiiasy men zańdaryn qatań saqtaýǵa, azamattardyń quqyqtary men bostandyqtaryna kepildik berýge, Qazaqstan Respýblikasy Prezidentiniń ózime júktelgen mártebeli mindetin adal atqarýǵa saltanatty túrde ant etemin", - dedi Qasym-Jomart Toqaev ulyqtaý rásiminde.
Ant bergennen keiin Prezident Memlekettik Týdy súidi. Sodan soń Memlekettik Ánuran oryndaldy. Ánuran oryndalyp jatqan ýaqytta syrttaǵy zeńbirekterden oq atyldy.
Rásimniń sońynda Ortalyq sailaý komissiiasynyń tóraǵasy Nurlan Ábdirov Qasym-Jomart Toqaevqa Qazaqstan Respýblikasy Prezidentiniń kýáligin tapsyrdy.
Aita keteiik, Memleket basshysy ant bergen sátten bastap resmi túrde qyzmetine kirisedi.
Ant berý rásimine Parlament depýtattary, Úkimet músheleri, Joǵarǵy sot sýdialary, sondai-aq basqa da memlekettik organdardyń ókilderi qatysty. Prezidenttiń inaýgýratsiiasyna shet memleketterdiń basshylary shaqyrylǵan joq. Saltanatty sharaǵa Qazaqstanda akkredittelgen diplomatiialyq korpýs qana qatysty.
Ulyqtaý rásimine Tuńǵysh Prezident Nursultan Nazarbaev ta keldi. Ol 2019 jyly bolǵan inaýgýratsiiaǵa da qatysqan bolatyn.
Ulyqtaý rásimi Astanadaǵy Táýelsizdik saraiynda ótti.
