Foto: Aqorda
Memleket basshysy Qasym-Jomart Toqaev Frantsiia Prezidenti Emmaniýel Makronǵa Maiotta arhipelagynda bolǵan joiqyn taifýn saldarynan kóptegen adamnyń qaza tabýyna bailanysty kóńil aitý jedelhatyn joldady, dep habarlaidy Aqordanyń baspasóz qyzmeti.
Prezident qaitys bolǵan azamattardyń jaqyn-jýyqtaryna olardyń qaiǵysyna ortaqtasa kóńil aityp, zardap shekken adamdardyń tezirek saýyǵyp ketýine tilektestik bildirdi.
Aita keteiik, Úndi muhityndaǵy Frantsiiaǵa tiesili Maiotta arhipelagynda «Shido» atty joiqyn tsilon bolǵanyn, oqiǵa saldarynan myńdaǵan adam qurban bolý múmkindigi týraly habarlandy.
Dúisenbi kúni keshke qatty daýyldan zardap shekken Maiotta aralyndaǵy jaǵdaiǵa Frantsiianyń ministrlikaralyq daǵdarys tobynyń otyrysy ótti. Onda Frantsiia basshysy ulttyq aza tutý kúnin jariialaitynyn málim etti.
