فوتو: اقوردا
مەملەكەت باسشىسى قاسىم-جومارت توقاەۆ فرانتسييا پرەزيدەنتٸ ەممانيۋەل ماكرونعا مايوتتا ارحيپەلاگىندا بولعان جويقىن تايفۋن سالدارىنان كٶپتەگەن ادامنىڭ قازا تابۋىنا بايلانىستى كٶڭٸل ايتۋ جەدەلحاتىن جولدادى, دەپ حابارلايدى اقوردانىڭ باسپاسٶز قىزمەتٸ.
پرەزيدەنت قايتىس بولعان ازاماتتاردىڭ جاقىن-جۋىقتارىنا ولاردىڭ قايعىسىنا ورتاقتاسا كٶڭٸل ايتىپ, زارداپ شەككەن ادامداردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
ايتا كەتەيٸك, ٷندٸ مۇحيتىنداعى فرانتسيياعا تيەسٸلٸ مايوتتا ارحيپەلاگىندا «شيدو» اتتى جويقىن تسيلون بولعانىن, وقيعا سالدارىنان مىڭداعان ادام قۇربان بولۋ مٷمكٸندٸگٸ تۋرالى حابارلاندى.
دٷيسەنبٸ كٷنٸ كەشكە قاتتى داۋىلدان زارداپ شەككەن مايوتتا ارالىنداعى جاعدايعا فرانتسييانىڭ مينيسترلٸكارالىق داعدارىس توبىنىڭ وتىرىسى ٶتتٸ. وندا فرانتسييا باسشىسى ۇلتتىق ازا تۇتۋ كٷنٸن جارييالايتىنىن مەلٸم ەتتٸ.
