Nursultan Nazarbaevty 80 jyldyq mereitoiymen Memleket basshysy Qasym-Jomart Toqaev, Ulttyq qaýipsizdik komitetiniń tóraǵasy Kárim Másimov jáne «Samuryq-Qazyna» ulttyq ál-aýqat qory» aktsionerlik qoǵamy basqarmasynyń tóraǵasy Ahmetjan Esimov quttyqtady, dep habarlaidy elbasy.kz.
Qasym-Jomart Toqaev Elbasynyń Qazaqstannyń damýyna qosqan erekshe úlesi men rólin atap ótti.
– Búgin tarihi kún – Elbasymyzdyń 80 jyldyǵy. Ol – qazaq halqynyń uly qairatkeri, uly perzenti. Búkil álem solai dep sanaidy. Elbasy shyn mánisinde uly adam, biz bul týraly aitýymyz kerek. Árbir halyq óziniń kórnekti tulǵalarymen tanymal jáne árbir halyq óziniń tarihi qairatkerlerimen maqtanýy kerek, – dedi Memleket basshysy.
Sonymen birge Qazaqstan Prezidenti Nursultan Nazarbaevtyń joǵary halyqaralyq bedelin de atap ótti.
– Nursultan Nazarbaev zamanaýi memleket qurdy, álem kartasynda Qazaqstannyń shekarasyn shegendedi. Bul týraly bizdiń Elbasymyzǵa qońyraý shalyp, quttyqtap jatqan álemniń barlyq kórnekti saiasatkerleri aityp jatyr. 80 jas – ár adamnyń ómirindegi mańyzdy kezeń. Men Nursultan Nazarbaevqa uzaq ǵumyr tileimin. Elbasynyń aldaǵy ýaqytta da bizdiń halqymyzǵa, memleketimizge úlken paida ákeletinine senimdimin», – dedi Qasym-Jomart Toqaev.
