Memleket basshysy Qasym-Jomart Toqaev «Egemen Qazaqstan» respýblikalyq gazeti» AQ Basqarma tóraǵasy Darhan Qydyrálini qabyldady, dep habarlaidy Aqordanyń baspasóz qyzmeti.
Qasym-Jomart Toqaevqa «Egemen Qazaqstan» gazetiniń aǵymdaǵy qyzmeti týraly egjei-tegjeili baiandaldy.
Darhan Qydyráli Prezidentke koronavirýs pandemiiasy kezinde qolǵa alynǵan jańa jobalar týraly aitty.
Sondai-aq Memleket basshysyna Halyqaralyq Túrki Akademiiasynyń biyl atqarylǵan jumystary týraly da málimet berildi. Hákim Abaidyń 175 jyldyq mereitoiy aiasynda uly aqynnyń aýdarylyp, jaryq kórgen shyǵarmalary, ál-Farabidiń 1150 jyldyǵy aiasynda ótkizilgen halyqaralyq iri jiyndar men konferentsiialar, Altyn Ordanyń 750 jyldyǵy aiasynda jaryq kórgen jańa kitaptar jóninde tolyq aqparat berildi.
Kezdesý sońynda Memleket basshysy «Egemen Qazaqstan» gazetin zamanaýi talaptarǵa sai shyǵaryp, Halyqaralyq Túrki Akademiiasynyń jumysyn odan ári ilgerilete berýdi tapsyrdy.
