Áleýmettik-ekonomikalyq reforma baǵyttarynyń biri retinde jobalyq top qurý qajet. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Áleýmettik-ekonomikalyq reforma baǵyttarynyń biri retinde jobalyq top qurý qajet. Oǵan sizderdiń árqaisyńyz óz ókilińizdi jiberip, jeke de qatysa alasyzdar. Bul jerde jeke biýrokratiia men formalizmniń qajeti joq. Sizderdiń árqaisyńyz - eń aldymen istiń adamysyzdar», - dep atap ótti Memleket basshysy elimizdiń iri biznes ókilderimen kezdesý barysynda.
QR Prezidentiniń atap ótýinshe, daiyndalǵan toptamalar men usynystar jańa ekonomikalyq saiasattyń orta merzimdi baǵdarlamalarynyń negizine ainalýy tiis.
«Úkimet janynan otandyq kásipkerler keńesin qurýdy tapsyramyn. Menińshe, mundai organ biznestiń oiy men ideialaryn tikelei jetkizýge, sheshimderdiń kabinette sheshilýin tómendetýge múmkindik beredi. Mende sizdermen búgingidei jii kezdesý ótkizýge daiynmyn», - dedi Qasym-Jomart Toqaev.
