Foto: Aqorda
Qasym-Jomart Toqaev «Bir palataly jańa Parlamentte Prezident kvotasy bolmaidy» dep málimdedi, dep habarlaidy Ult.kz.
«Men biylǵy Joldaýymda bir palataly Parlament qurý týraly bastama kóterdim», — dedi Memleket basshysy búgin.
Bul — elimizdegi saiasi ózgeristerdiń zańdy jalǵasy, dedi Toqaev. «Kúshti Prezident – yqpaldy Parlament – esep beretin Úkimet» qaǵidatyn odan ári nyǵaitýǵa baǵyttalǵan reforma eldiń basqarý júiesin ári qarai jetildirýdi kózdeidi.
Prezidenttiń sózinshe, jańa Parlament qurylymynda — burynǵydai prezidenttik kvota qarastyrylmaidy. Barlyq depýtattar birdei tártippen sailanýy tiis. Bul — aldaǵy Parlamenttik reformanyń mańyzdy qadamy.
Qazir eki palataly júiede 148 depýtat bar. Birqatar azamattar halyq sanyna qatysty proportsionaldyq júie arqyly depýtat sany 200-ge deiin kóbeiýi kerek degen pikir aitqan. Biraq Toqaev depýtat sanyn kóbeitýdiń qajeti joq ekenin, kerisinshe, Parlament jumysyn ońtailandyrý kerek ekenin atap ótti.
«Parlamenttik reforma – eki palatany jai biriktire salý emes. Depýtat sanyn tym kóbeitýdiń qajeti joq. Biz jumys tiimdiligin arttyrýǵa baǵyttaldyq», — dedi Prezident.
Sonymen qatar, bul bastama qoǵamda qyzý talqylanyp jatqanyn, parlament qurylymy men depýtattyq sailaý tártibi týraly usynystar men pikirler kóp ekenin aitty.
Memleket basshysy jańa júieni túsindirý men pikir almasýdy halyqpen ashyq júrgizýdiń mańyzyn erekshe atap ótti.
