فوتو: اقوردا
قاسىم-جومارت توقاەۆ «بٸر پالاتالى جاڭا پارلامەنتتە پرەزيدەنت كۆوتاسى بولمايدى» دەپ مەلٸمدەدٸ, دەپ حابارلايدى Ult.kz.
«مەن بيىلعى جولداۋىمدا بٸر پالاتالى پارلامەنت قۇرۋ تۋرالى باستاما كٶتەردٸم», — دەدٸ مەملەكەت باسشىسى بٷگٸن.
بۇل — ەلٸمٸزدەگٸ ساياسي ٶزگەرٸستەردٸڭ زاڭدى جالعاسى, دەدٸ توقاەۆ. «كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت» قاعيداتىن ودان ەرٸ نىعايتۋعا باعىتتالعان رەفورما ەلدٸڭ باسقارۋ جٷيەسٸن ەرٸ قاراي جەتٸلدٸرۋدٸ كٶزدەيدٸ.
پرەزيدەنتتٸڭ سٶزٸنشە, جاڭا پارلامەنت قۇرىلىمىندا — بۇرىنعىداي پرەزيدەنتتٸك كۆوتا قاراستىرىلمايدى. بارلىق دەپۋتاتتار بٸردەي تەرتٸپپەن سايلانۋى تيٸس. بۇل — الداعى پارلامەنتتٸك رەفورمانىڭ ماڭىزدى قادامى.
قازٸر ەكٸ پالاتالى جٷيەدە 148 دەپۋتات بار. بٸرقاتار ازاماتتار حالىق سانىنا قاتىستى پروپورتسيونالدىق جٷيە ارقىلى دەپۋتات سانى 200-گە دەيٸن كٶبەيۋٸ كەرەك دەگەن پٸكٸر ايتقان. بٸراق توقاەۆ دەپۋتات سانىن كٶبەيتۋدٸڭ قاجەتٸ جوق ەكەنٸن, كەرٸسٸنشە, پارلامەنت جۇمىسىن وڭتايلاندىرۋ كەرەك ەكەنٸن اتاپ ٶتتٸ.
«پارلامەنتتٸك رەفورما – ەكٸ پالاتانى جاي بٸرٸكتٸرە سالۋ ەمەس. دەپۋتات سانىن تىم كٶبەيتۋدٸڭ قاجەتٸ جوق. بٸز جۇمىس تيٸمدٸلٸگٸن ارتتىرۋعا باعىتتالدىق», — دەدٸ پرەزيدەنت.
سونىمەن قاتار, بۇل باستاما قوعامدا قىزۋ تالقىلانىپ جاتقانىن, پارلامەنت قۇرىلىمى مەن دەپۋتاتتىق سايلاۋ تەرتٸبٸ تۋرالى ۇسىنىستار مەن پٸكٸرلەر كٶپ ەكەنٸن ايتتى.
مەملەكەت باسشىسى جاڭا جٷيەنٸ تٷسٸندٸرۋ مەن پٸكٸر الماسۋدى حالىقپەن اشىق جٷرگٸزۋدٸڭ ماڭىزىن ەرەكشە اتاپ ٶتتٸ.
