Qasym-Jomart Toqaev Miýnhenge jasaǵan jumys sapary barysynda Ázerbaijan Respýblikasynyń Prezidenti Ilham Álievpen kezdesý ótkizdi, dep habarlaidy "Ult aqparat" Aqordaǵa silteme jasap.
Kezdesýde memleketter basshylary saýda-ekonomikalyq, kólik-logistika, energetika, kommýnikatsiia, aýyl sharýashylyǵy salalaryndaǵy ekijaqty yqpaldastyq jaiynda áńgimelesti. Taraptar Kaspiidiń quqyqtyq mártebesin aiqyndaý týraly konventsiiaǵa qol qoiylǵannan keiin teńiz arqyly shektesetin elderdiń ózara yntymaqtastyǵy arta túskenin aitty. Sonymen qatar olar aimaqtyq jáne halyqaralyq kún tártibindegi ózekti máseleler jóninde pikir almasty.
– Ázerbaijan – Qazaqstannyń Ońtústik Kavkazdaǵy jáne Kaspii aimaǵyndaǵy negizgi seriktesteriniń biri. Eki el arasynda berik yntymaqtastyq jáne barlyq sala boiynsha yqpaldastyq ornady. Bul qarym-qatynastardyń negizin bizdiń kóshbasshylarymyz Nursultan Nazarbaev pen Geidar Áliev qalady. Qazaqstan Ázerbaijanmen aradaǵy bailanystardy joǵary baǵalaidy, – dedi Qazaqstan Prezidenti.
Ilham Áliev Qazaqstan men Ázerbaijannyń qarym-qatynastaryna oń baǵa berip, eki el arasyndaǵy taýar ainalymynyń artyp kele jatqanyn atap ótti.
– Memleketterimiz arasyndaǵy ekijaqty bailanys joǵary deńgeide damyp keledi. Baýyrlastyqqa jáne dostyqqa negizdelgen yntymaqtastyǵymyz odan ári nyǵaia beredi dep senemin, – dedi Ilham Áliev.
Kezdesý sońynda Qasym-Jomart Toqaev Ilham Álievti Qazaqstanǵa resmi saparmen kelýge shaqyrdy.
