Memleket basshysy Qasym-Jomart Toqaev Aýǵanstan Prezidenti Mohammad Ashraf Ǵaniǵa kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Qasym-Jomart Toqaev Qabyl ýniversitetinde jasalǵan jantúrshigerlik lańkestik shabýyl saldarynan kóptegen azamattyń jazyqsyz qaza tapqany týraly sýyt habardy tereń kúizelispen qabyldady.
– Osyndai qaraly sátte orny tolmas qaiǵylaryńyzǵa ortaqtasyp, jaqyndarynan aiyrylǵan otbasylar men barsha Aýǵanstan halqyna qazaqstandyqtardyń jáne óz atymnan kóńil aitamyn, – delingen jedelhatta.
Qazaqstan Prezidenti qasiretti oqiǵada zardap shekken adamdardyń tez arada saýyǵyp ketýine tilektestik bildirdi.
