Memleket basshysy Qasym-Jomart Toqaev Halyqaralyq «Alash» ádebi syilyǵynyń iegeri, aqyn, synshy Amanhan Álimniń otbasyna kóńil aitý jedelhatyn joldady.
Bul týraly QR Prezidentiniń baspasóz hatshysy Berik Ýáli óziniń Facebook paraqshasynda jazdy dep habarlaidy "Ult aqparat".
«Aqyn, synshy, ádebietshi, pýblitsist Amanhan Álimniń qaitys bolýyna bailanysty onyń otbasy men týǵan-týystarynyń qaiǵylaryna ortaqtasyp kóńil aitamyn.
Amanhan Álimuly qazaq ádebietiniń kórnekti ókilderiniń biri edi. Sonymen qatar ol otandyq jýrnalistikanyń damýyna da ólsheýsiz úles qosty. Qatardaǵy tilshiden bas redaktorlyqqa deiingi joldyń bárinen ótti. Ol ulttyń ósýine, ádebiettiń damýyna kedergi bolatyn keri áreketterdiń barlyǵyn syn sadaǵyna ildi.
Amanhan Álim qazaq rýhaniiatynyń kókjiegin keńeitý úshin aqiqattan ainymaǵan qairatker qalamger edi.
Marqumnyń jatqan jeri jaily, imany salamat bolsyn!», - delingen jedelhatta.
