Qazaqstan Prezidenti Qasym-Jomart Toqaev biýdjetke, ekonomika men azamattardyń qaýipsizdigine shynaiy ziian tigizetin zańbuzýshylyqtarǵa basa nazar aýdarý kerektigin eske saldy, dep habarlaidy «Ult aqparat».
«Qazirgi jaǵdai quqyq qorǵaý organdary tarapynan naqty sheshimder men áreketti talap etedi. Osynaý kúrdeli kezeńde biýdjetke, ekonomika men azamattardyń qaýipsizdigine shynaiy ziian tigizetin zańbuzýshylyqtarǵa basa nazar aýdarý kerek», - dedi Qasym-Jomart Toqaev Úkimettiń keńeitilgen otyrysynda.
Prezident sonymen birge keibir ákim eskertý men qatań eskertý alǵanyn eske saldy.
«Jalpy búkil ákim men ministr osyndai jazaǵa laiyq. Alaida qazir biz áleýmettik-ekonomikalyq damýdyń syni kezeńinde turmyz. Úkimet pen ákimderge daǵdarystan shyǵý úshin oily da batyl áreket kerek. Sebebi daǵdarys ýshyǵatyn sekildi. Bul – álemdik ekonomikanyń boljamy. Al Qazaqstan onyń bir bóligi», - dedi ol.
