قازاقستان پرەزيدەنتٸ قاسىم-جومارت توقاەۆ بيۋدجەتكە, ەكونوميكا مەن ازاماتتاردىڭ قاۋٸپسٸزدٸگٸنە شىنايى زييان تيگٸزەتٸن زاڭبۇزۋشىلىقتارعا باسا نازار اۋدارۋ كەرەكتٸگٸن ەسكە سالدى, دەپ حابارلايدى «ۇلت اقپارات».
«قازٸرگٸ جاعداي قۇقىق قورعاۋ ورگاندارى تاراپىنان ناقتى شەشٸمدەر مەن ەرەكەتتٸ تالاپ ەتەدٸ. وسىناۋ كٷردەلٸ كەزەڭدە بيۋدجەتكە, ەكونوميكا مەن ازاماتتاردىڭ قاۋٸپسٸزدٸگٸنە شىنايى زييان تيگٸزەتٸن زاڭبۇزۋشىلىقتارعا باسا نازار اۋدارۋ كەرەك», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنت سونىمەن بٸرگە كەيبٸر ەكٸم ەسكەرتۋ مەن قاتاڭ ەسكەرتۋ العانىن ەسكە سالدى.
«جالپى بٷكٸل ەكٸم مەن مينيستر وسىنداي جازاعا لايىق. الايدا قازٸر بٸز ەلەۋمەتتٸك-ەكونوميكالىق دامۋدىڭ سىني كەزەڭٸندە تۇرمىز. ٷكٸمەت پەن ەكٸمدەرگە داعدارىستان شىعۋ ٷشٸن ويلى دا باتىل ەرەكەت كەرەك. سەبەبٸ داعدارىس ۋشىعاتىن سەكٸلدٸ. بۇل – ەلەمدٸك ەكونوميكانىڭ بولجامى. ال قازاقستان ونىڭ بٸر بٶلٸگٸ», - دەدٸ ول.
