Kaspii qubyr jelisi kontsortsiýmynyń qazaqstandyq bóliginde munai óndirisin jylyna 72,5 tonnaǵa deiin arttyrý kózdelip otyr, dep habarlaidy "Ult aqparat" Energetika ministrliginiń baspasóz qyzmetine silteme jasap.
«Aldaǵy ýaqytta Kaspii qubyr jelisi kontsortsiýmynyń qazaqstandyq bóliginde munai óndirisin jylyna 72,5 tonnaǵa deiin arttyrý josparlanǵan. Qazirgi tańda óndiris qýattylyǵynyń kólemi 67 mln tonna bolyp turǵanymen, 54 mln tonna munai óndiriledi. Joba arqyly eldiń basty ekporttyq baǵdarynyń qýattylyǵyn arttyrý, sonyń ishinde Teńizdegi munai óndirisin jylyna 43,5 mln tonnaǵa jetkizý josparlanǵan. Joba 2024 jylǵa deiin júzege asyrylady», - dep habarlaidy ministrlikten.
Sonymen qatar, el ishindegi kóliktik baǵdardy jaqsartý úshin Keńqiiaq-Atyraý munai jelisinde «revers» jobasyn júzege asyrý oilastyrylǵan. Osylaisha, bul joba Qazaqstannyń batysynan Shymkent pen Pavlodar munai óńdeý zaýyttaryna jylyna 6 mln tonna munai jetkizýge (qazirgi tehnikalyq múmkindik 1 mln tonna ǵana) múmkindik beredi.
«Qazirgi tańda Shymkent pen Pavlodardaǵy MÓZ-derge óńdeý úshin munai ónimderi negizinen Aqtóbe men Qyzylorda oblystarynan ǵana jetkizilip jatyr. Osyǵan bailanysty joǵaryda atalǵan jobanyń strategiialyq mańyzy arta túspek. Keleshekte joba eki birdei MÓZ-di tolyq qýatta jumys júrgizýine jol ashady. Joba 2020 jyly aiaqtalady», - dep habarlaidy ministrlikten.
