كاسپيي قۇبىر جەلٸسٸ كونتسورتسيۋمىنىڭ قازاقستاندىق بٶلٸگٸندە مۇناي ٶندٸرٸسٸن جىلىنا 72,5 تونناعا دەيٸن ارتتىرۋ كٶزدەلٸپ وتىر, دەپ حابارلايدى "ۇلت اقپارات" ەنەرگەتيكا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«الداعى ۋاقىتتا كاسپيي قۇبىر جەلٸسٸ كونتسورتسيۋمىنىڭ قازاقستاندىق بٶلٸگٸندە مۇناي ٶندٸرٸسٸن جىلىنا 72,5 تونناعا دەيٸن ارتتىرۋ جوسپارلانعان. قازٸرگٸ تاڭدا ٶندٸرٸس قۋاتتىلىعىنىڭ كٶلەمٸ 67 ملن توننا بولىپ تۇرعانىمەن, 54 ملن توننا مۇناي ٶندٸرٸلەدٸ. جوبا ارقىلى ەلدٸڭ باستى ەكپورتتىق باعدارىنىڭ قۋاتتىلىعىن ارتتىرۋ, سونىڭ ٸشٸندە تەڭٸزدەگٸ مۇناي ٶندٸرٸسٸن جىلىنا 43,5 ملن تونناعا جەتكٸزۋ جوسپارلانعان. جوبا 2024 جىلعا دەيٸن جٷزەگە اسىرىلادى», - دەپ حابارلايدى مينيسترلٸكتەن.
سونىمەن قاتار, ەل ٸشٸندەگٸ كٶلٸكتٸك باعداردى جاقسارتۋ ٷشٸن كەڭقيياق-اتىراۋ مۇناي جەلٸسٸندە «رەۆەرس» جوباسىن جٷزەگە اسىرۋ ويلاستىرىلعان. وسىلايشا, بۇل جوبا قازاقستاننىڭ باتىسىنان شىمكەنت پەن پاۆلودار مۇناي ٶڭدەۋ زاۋىتتارىنا جىلىنا 6 ملن توننا مۇناي جەتكٸزۋگە (قازٸرگٸ تەحنيكالىق مٷمكٸندٸك 1 ملن توننا عانا) مٷمكٸندٸك بەرەدٸ.
«قازٸرگٸ تاڭدا شىمكەنت پەن پاۆلودارداعى مٶز-دەرگە ٶڭدەۋ ٷشٸن مۇناي ٶنٸمدەرٸ نەگٸزٸنەن اقتٶبە مەن قىزىلوردا وبلىستارىنان عانا جەتكٸزٸلٸپ جاتىر. وسىعان بايلانىستى جوعارىدا اتالعان جوبانىڭ ستراتەگييالىق ماڭىزى ارتا تٷسپەك. كەلەشەكتە جوبا ەكٸ بٸردەي مٶز-دٸ تولىق قۋاتتا جۇمىس جٷرگٸزۋٸنە جول اشادى. جوبا 2020 جىلى اياقتالادى», - دەپ حابارلايدى مينيسترلٸكتەن.
