Búgin teńiz shekarashylary Kaspii teńizin sholyp júrip 44˚25′ soltústik endik pen 50˚00′ shyǵys boilyǵynyń aýmaǵynda qos «Iamaha» motorly «Baida» tiptes jyldam júzetin shaǵyn júzý quralyn keziktirdi, dep habarlaidy QR UQK baspasóz qyzmeti.
Qarańǵyny qaq jaryp kenetten paida bolǵan teńiz shekarashylarynyń katerin baiqap qalǵan «Baida» qashýǵa bet alǵan kezde, ony toqtatý úshin shekarashylardyń eskertý retinde aspanǵa oq atýyna týra keldi. Shekara buzýshylar budan ári táýekelge bel býýǵa dátteri shydamai, zákir tastap, qoldaryn kóterdi. Qaiyqta otyrǵan 4 adamnyń barlyǵy da Resei azamattary eken. Ekeýi 52 jasta, bireýi 36 jasta, al bireýi nebári 20 jasta. Qaiyqtan 200 litr aýyz sý, qosymsha ballonymen gaz plita, azyq-túlik pen qosalqy bólshekter tabylǵanyna qaraǵanda, bular teńizde uzaǵyraq júremiz dep úmittengen bolýy kerek.
Tergeý amaldary júrgizilýde.
