Foto: AShM
17 sáýir kúni Mańǵystaý oblysynyń Túpqaraǵan aýdanynda júrgizilgen monitoring barysynda teńiz jaǵasyna shyǵyp qalǵan 97 itbalyqtyń óli denesi anyqtaldy. Mamandardyń aitýynsha, olardy jaǵalaýǵa batys jeli aidap shyǵarǵan, dep habarlaidy Ult.kz "Aq Jaiyq" basylymyna silteme jasap.
Oqiǵa ornyna «Kaspii itbalyǵy» memlekettik tabiǵi rezervatynyń ókilderi, Jaiyq-Kaspii basseindik inspektsiiasy, oblystyq ekologiia departamenti, politsiia, veterinarlyq baqylaý inspektsiiasy, gidrobiologiia jáne ekologiia institýty, sondai-aq Kaspii itbalyǵyn zertteý jáne ońaltý ortalyǵynyń mamandary bardy.
Arnaiy jumys toby qurylyp, óli janýarlardan synamalar alynady, olardyń qyrylý sebebi anyqtalyp, ýtilizatsiia jumystary júrgiziledi. Institýt mamandarynyń pikirinshe, itbalyqtardyń qyrylýy bir aidan astam ýaqyt buryn bolǵan, al jaǵalaýǵa olardy daýyldy batys jeli endi shyǵarǵan bolýy múmkin.
Monitoring jalǵasýda, jaǵdai turaqty baqylaýda. Aita keteiik, 2025 jyly Kaspii teńiziniń qazaqstandyq jaǵalaýynan 400-den astam óli itbalyq tabylǵan edi.
