فوتو: اشم
17 سەۋٸر كٷنٸ ماڭعىستاۋ وبلىسىنىڭ تٷپقاراعان اۋدانىندا جٷرگٸزٸلگەن مونيتورينگ بارىسىندا تەڭٸز جاعاسىنا شىعىپ قالعان 97 يتبالىقتىڭ ٶلٸ دەنەسٸ انىقتالدى. مامانداردىڭ ايتۋىنشا, ولاردى جاعالاۋعا باتىس جەلٸ ايداپ شىعارعان, دەپ حابارلايدى Ult.kz "اق جايىق" باسىلىمىنا سٸلتەمە جاساپ.
وقيعا ورنىنا «كاسپيي يتبالىعى» مەملەكەتتٸك تابيعي رەزەرۆاتىنىڭ ٶكٸلدەرٸ, جايىق-كاسپيي باسسەيندٸك ينسپەكتسيياسى, وبلىستىق ەكولوگييا دەپارتامەنتٸ, پوليتسييا, ۆەتەرينارلىق باقىلاۋ ينسپەكتسيياسى, گيدروبيولوگييا جەنە ەكولوگييا ينستيتۋتى, سونداي-اق كاسپيي يتبالىعىن زەرتتەۋ جەنە وڭالتۋ ورتالىعىنىڭ ماماندارى باردى.
ارنايى جۇمىس توبى قۇرىلىپ, ٶلٸ جانۋارلاردان سىنامالار الىنادى, ولاردىڭ قىرىلۋ سەبەبٸ انىقتالىپ, ۋتيليزاتسييا جۇمىستارى جٷرگٸزٸلەدٸ. ينستيتۋت ماماندارىنىڭ پٸكٸرٸنشە, يتبالىقتاردىڭ قىرىلۋى بٸر ايدان استام ۋاقىت بۇرىن بولعان, ال جاعالاۋعا ولاردى داۋىلدى باتىس جەلٸ ەندٸ شىعارعان بولۋى مٷمكٸن.
مونيتورينگ جالعاسۋدا, جاعداي تۇراقتى باقىلاۋدا. ايتا كەتەيٸك, 2025 جىلى كاسپيي تەڭٸزٸنٸڭ قازاقستاندىق جاعالاۋىنان 400-دەن استام ٶلٸ يتبالىق تابىلعان ەدٸ.
