Mańǵystaýlyq videograftyń kamerasyna sirek kezdesetin jyrtqysh ań - qyzyl qasqyr túsip qaldy, dep habarlaidy "Ult aqparat".
Óziniń aitýynsha, Meirambek Aralbaiuly bul videony keshe, 6 tamyz kúni Kaspii jaǵalaýynan túsirip alǵan.
«Biylǵy erekshe ystyq pen qýańshylyqtan ańdar jaǵaǵa shyǵyp qalǵan balyqty qorek etýge májbúr bolǵan siiaqty» dep atap ótti videograf Instagram paraqshasynda.
Videodan urǵashy qasqyrdyń tóbede ainalyp ushyp júrgen drondy kórip, qoryqqannan qasha jónelgenin kórýge bolady.
Meirambek Aralbaiuly qyzyl qasqyr beiqam tamaqtanyp alýy úshin videotúsirilimdi osy jerden toqtatqan.
Qyzyl qasqyr - qasqyr tuqymdasyna jatatyn jyrtqysh sútqorekti. Qazaqstanda Tian-Shan men Jońǵar Alataýynda kezdesedi. Terisi baǵaly, sany óte az ań sanalady.
Qyzyl qasqyr Halyqaralyq tabiǵat qorǵaý odaǵy men Qazaqstannyń «Qyzyl kitabyna» engizilgen.
