ماڭعىستاۋلىق ۆيدەوگرافتىڭ كامەراسىنا سيرەك كەزدەسەتٸن جىرتقىش اڭ - قىزىل قاسقىر تٷسٸپ قالدى, دەپ حابارلايدى "ۇلت اقپارات".
ٶزٸنٸڭ ايتۋىنشا, مەيرامبەك ارالبايۇلى بۇل ۆيدەونى كەشە, 6 تامىز كٷنٸ كاسپيي جاعالاۋىنان تٷسٸرٸپ العان.
«بيىلعى ەرەكشە ىستىق پەن قۋاڭشىلىقتان اڭدار جاعاعا شىعىپ قالعان بالىقتى قورەك ەتۋگە مەجبٷر بولعان سيياقتى» دەپ اتاپ ٶتتٸ ۆيدەوگراف Instagram پاراقشاسىندا.
ۆيدەودان ۇرعاشى قاسقىردىڭ تٶبەدە اينالىپ ۇشىپ جٷرگەن دروندى كٶرٸپ, قورىققاننان قاشا جٶنەلگەنٸن كٶرۋگە بولادى.
مەيرامبەك ارالبايۇلى قىزىل قاسقىر بەيقام تاماقتانىپ الۋى ٷشٸن ۆيدەوتٷسٸرٸلٸمدٸ وسى جەردەن توقتاتقان.
قىزىل قاسقىر - قاسقىر تۇقىمداسىنا جاتاتىن جىرتقىش سٷتقورەكتٸ. قازاقستاندا تيان-شان مەن جوڭعار الاتاۋىندا كەزدەسەدٸ. تەرٸسٸ باعالى, سانى ٶتە از اڭ سانالادى.
قىزىل قاسقىر حالىقارالىق تابيعات قورعاۋ وداعى مەن قازاقستاننىڭ «قىزىل كٸتابىنا» ەنگٸزٸلگەن.
