Mańǵystaýda itbalyqty qorlaǵandar jaýapkershilikke tartylady. Bul jaily Orman sharýashylyǵy jáne janýarlar álemi komitetiniń baspasóz hatshysy Sáken Dildahmet málim etti, dep habarlaidy "Ult aqparat".
«6 shilde kúni Kaspii teńiziniń jaǵalaýynda demalyp jatqan adamdardyń teńizdegi itbalyqty qorlap, oǵan tas laqtyrǵany belgili boldy. Bul fakti boiynsha Mańǵystaý oblysynyń orman sharýashylyǵy jáne janýarlar álemi aýmaqtyq inspektsiiasy oblystyq politsiia departamentine hat joldady. Onda janýardy qorlaǵan adamdardy anyqtap, jaýapkershilike tartý jóninde aitylǵan» dep jazady Facebook paraqshasynda Sáken Dildahmet.
Onyń aitýynsha, Qazaqstan zańnamasynda ań-qusty qorlaǵandar úshin aiyppul nemese qoǵamdyq jumysqa tartý jazasy qarastyrylǵan.
«Erteń 8 shildede Mańǵystaý oblysynyń orman sharýashylyǵy jáne janýarlar álemi aýmaqtyq inspektsiiasynyń inspektorlary teńiz jaǵalaýynda demalyp jatqan adamdar arasynda túsindirý jumysyn júrgizedi» dep atap ótti Sáken Dildahmet.
Eske sala keteiik, 6 shilde kúni áleýmettik jelide demalyp jatqan adamdar Kaspii itbalyǵyna tas laqtyrǵany týraly video paida boldy. Videoda kórinip turǵandai, itbalyq adamdarǵa shabýyl jasaý nietinsiz, qyzyq kórip jaqyndaǵan. Ókinishke qarai, otandastarymyz qaýip týdyrmaityn ańǵa jabaiylyqpen jaýap berip, tas laqtyrǵan.
