ماڭعىستاۋدا يتبالىقتى قورلاعاندار جاۋاپكەرشٸلٸككە تارتىلادى. بۇل جايلى ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت مەلٸم ەتتٸ, دەپ حابارلايدى "ۇلت اقپارات".
«6 شٸلدە كٷنٸ كاسپيي تەڭٸزٸنٸڭ جاعالاۋىندا دەمالىپ جاتقان ادامداردىڭ تەڭٸزدەگٸ يتبالىقتى قورلاپ, وعان تاس لاقتىرعانى بەلگٸلٸ بولدى. بۇل فاكتٸ بويىنشا ماڭعىستاۋ وبلىسىنىڭ ورمان شارۋاشىلىعى جەنە جانۋارلار ەلەمٸ اۋماقتىق ينسپەكتسيياسى وبلىستىق پوليتسييا دەپارتامەنتٸنە حات جولدادى. وندا جانۋاردى قورلاعان ادامداردى انىقتاپ, جاۋاپكەرشٸلٸكە تارتۋ جٶنٸندە ايتىلعان» دەپ جازادى Facebook پاراقشاسىندا سەكەن دٸلداحمەت.
ونىڭ ايتۋىنشا, قازاقستان زاڭناماسىندا اڭ-قۇستى قورلاعاندار ٷشٸن ايىپپۇل نەمەسە قوعامدىق جۇمىسقا تارتۋ جازاسى قاراستىرىلعان.
«ەرتەڭ 8 شٸلدەدە ماڭعىستاۋ وبلىسىنىڭ ورمان شارۋاشىلىعى جەنە جانۋارلار ەلەمٸ اۋماقتىق ينسپەكتسيياسىنىڭ ينسپەكتورلارى تەڭٸز جاعالاۋىندا دەمالىپ جاتقان ادامدار اراسىندا تٷسٸندٸرۋ جۇمىسىن جٷرگٸزەدٸ» دەپ اتاپ ٶتتٸ سەكەن دٸلداحمەت.
ەسكە سالا كەتەيٸك, 6 شٸلدە كٷنٸ ەلەۋمەتتٸك جەلٸدە دەمالىپ جاتقان ادامدار كاسپيي يتبالىعىنا تاس لاقتىرعانى تۋرالى ۆيدەو پايدا بولدى. ۆيدەودا كٶرٸنٸپ تۇرعانداي, يتبالىق ادامدارعا شابۋىل جاساۋ نيەتٸنسٸز, قىزىق كٶرٸپ جاقىنداعان. ٶكٸنٸشكە قاراي, وتانداستارىمىز قاۋٸپ تۋدىرمايتىن اڭعا جابايىلىقپەن جاۋاپ بەرٸپ, تاس لاقتىرعان.
