2020 jyldyń 9 aiynda Kaspii porttary arqyly 1,6 mln tonna júk tasymaldandy, dep habarlaidy "Ult aqparat".
QR Indýstriia jáne infraqurylymdyq damý ministrliginiń Telegram kanalynda jariialanǵan aqparatqa sáikes, 9 aida Aqtaý jáne Quryq teńiz porttary arqyly júkterdi aýystyryp tieý kólemi ótken jyldyń osyndai kezeńindegi deńgeimen birdei boldy. Degenmen, júk kólikteri men konteinerlerdi aýystyryp tieýde birshama ósim baiqaldy.
«Otandyq saýda floty esepti kezeńde Kaspii teńizindegi porttar arasynda 1,6 mln tonnadan astam júk tasymaldady. Onyń ishinde Aqtaý-Baký fiderlik jelisi arqyly shamamen 9,8 myń birlik konteiner jetkizildi. 9 aida ishki sý joldary boiynsha júk tasymaldaý kólemi shamamen 1,4 mln tonnany qurasa, onyń shamamen 209 myń tonnasy Resei baǵytynda tasymaldandy», - delingen ministrlik aqparatynda.
