QR Ekologiia, geologiia jáne tabiǵi resýrstar ministrligi Transshekaralyq ózender departamentiniń direktory Arsen Jaqanbaev Kaspii teńizi men Balqash kóliniń tartylý sebebin túsindirdi, dep habarlaidy QazAqparat tilshisi.
«Sońǵy ýaqytta «Kaspii teńizi nege tartylyp jatyr, sý nege azaiyp keledi?» degen suraqtar týyndaýda. Kaspii sýynyń negizgi qory – Qiǵash ózeni. Qiǵash ózeni Reseidiń Edil ózeniniń tarmaǵy sanalady. Iaǵni, tek Jaiyq ózeninde ǵana emes, Edil ózeni de sý az tsiklin bastan keshirýde. Sonyń saldarynan sý azdyǵy baiqalady», - dedi ol «Habar 24» telearnasynyń «Kún tártibi» baǵdarlamasynda.
Sonymen qatar Arsen Jaqanbaev Qytai men Qazaqstan arasynda eki eldiń transshekaralyq ózenderi sýyn paidalanýǵa qatysty kelisimniń áli ázirlenip jatqanyn aitty.
«Sońǵy ýaqytta Qytaida sý tutyný kóleminiń artýyna bailanysty Ile ózeniniń sýy az kelip jatyr. Bul ózen Balqash kóli sýynyń 70 paiyzyn quraidy. Qara Ertiste de sý az tsikli baiqalady. Sýdy 1,5-2 mlrd tekshe metrge az alyp otyrmyz. Jalpy elimizde 8 sý basseini bar. Olardyń ishinde artyq sý mólsheri bary - Ertis besseini», - dedi departament basshysy.
