«Kaspii Qubyr jelisi Konsortsiýmy-K» AQ bas direktory Nikolai Gorban munai óndirý josparyn jariialady, dep habarlaidy QazAqparat.
«Bizdiń josparymyz ádettegidei jahandyq sipatqa ie. 67 million tonnaǵa jýyq ótinim bar. Mundai jaǵdaiǵa munai óndirýshilerdiń bizge bul kólemdi qanshalyqty beretinine bailanysty. Biraq biz 67,5 million tonnalyq alǵashqy ótinimdi qabyldaýǵa daiynbyz», - dedi Nikolai Gorban Ortalyq kommýnikatsiialar qyzmetindegi baspasóz máslihatynda.
«QazMunaiGaz» AQ basqarma tóraǵasynyń orynbasary Daniiar Berlibaevtyń aitýynsha, kompaniia byltyr Qytaiǵa 12 mln tonna munai eksporttaǵan.
«Biraq 2021 jyly Batys Qazaqstannan Qytai baǵytyndaǵy bizdiń munai qubyrynyń qýattylyǵy 20 mln tonna bolatynyn eskerýińiz kerek. Biraq baǵa jaǵdaiyna bailanysty bizge Qara teńiz naryǵy tiimdirek. Qytai baǵytynda munai Resei arqyly jetkiziledi. Biz Reseiden Qytaiǵa 10 million tonnadan astam munaidy Qazaqstan arqyly tranzitpen tasymaldaimyz. Demek, bul jaǵdai bizdiń ekonomikamyzǵa da tiimdi. Meniń oiymsha, osy jyly da 12 mln tonnalyq kórsetkish ózgerissiz qalady», - dep qorytyndylady Daniiar Berlibaev.
