«كاسپيي قۇبىر جەلٸسٸ كونسورتسيۋمى-ك» اق باس ديرەكتورى نيكولاي گوربان مۇناي ٶندٸرۋ جوسپارىن جارييالادى, دەپ حابارلايدى قازاقپارات.
«بٸزدٸڭ جوسپارىمىز ەدەتتەگٸدەي جاھاندىق سيپاتقا يە. 67 ميلليون تونناعا جۋىق ٶتٸنٸم بار. مۇنداي جاعدايعا مۇناي ٶندٸرۋشٸلەردٸڭ بٸزگە بۇل كٶلەمدٸ قانشالىقتى بەرەتٸنٸنە بايلانىستى. بٸراق بٸز 67,5 ميلليون توننالىق العاشقى ٶتٸنٸمدٸ قابىلداۋعا دايىنبىز», - دەدٸ نيكولاي گوربان ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
«قازمۇنايگاز» اق باسقارما تٶراعاسىنىڭ ورىنباسارى دانييار بەرلٸباەۆتىڭ ايتۋىنشا, كومپانييا بىلتىر قىتايعا 12 ملن توننا مۇناي ەكسپورتتاعان.
«بٸراق 2021 جىلى باتىس قازاقستاننان قىتاي باعىتىنداعى بٸزدٸڭ مۇناي قۇبىرىنىڭ قۋاتتىلىعى 20 ملن توننا بولاتىنىن ەسكەرۋٸڭٸز كەرەك. بٸراق باعا جاعدايىنا بايلانىستى بٸزگە قارا تەڭٸز نارىعى تيٸمدٸرەك. قىتاي باعىتىندا مۇناي رەسەي ارقىلى جەتكٸزٸلەدٸ. بٸز رەسەيدەن قىتايعا 10 ميلليون توننادان استام مۇنايدى قازاقستان ارقىلى ترانزيتپەن تاسىمالدايمىز. دەمەك, بۇل جاعداي بٸزدٸڭ ەكونوميكامىزعا دا تيٸمدٸ. مەنٸڭ ويىمشا, وسى جىلى دا 12 ملن توننالىق كٶرسەتكٸش ٶزگەرٸسسٸز قالادى», - دەپ قورىتىندىلادى دانييار بەرلٸباەۆ.
