Kaspii qubyr jelisi konsortsiýmy boiynsha munai eksporty josparyn oryndaýǵa bolady. Bul týraly Energetika ministri Bolat Aqsholaqov aitty, dep habarlaidy QazAqparat.
«Kaspii qubyr jelisi konsortsiýmy óz jumysyn jandandyrdy. Apat bolǵan kezde biz basqa balamaly baǵyttardy iske qosýdy tyrysqan edik. Jalpy, eki million tonnaǵa deiin joǵaltamyz dep boljanǵan edi. Abyroi bolǵanda, Úkimet pen óndirýshi kompaniialardyń birlesken jumystarynyń arqasynda atalǵan kólem 300-350 myń tonna shamasynda boldy. Bul óz kezeginde sonshalyqty eleýli kólem emes, ony biz jyl sońyna deiin igere alamyz», - dedi Aqsholaqov Májilistiń jalpy otyrysynan keiin tilshiler saýalyna jaýap bere otyryp.
Osy oraida ol Kaspii qubyr jelisi konsortsiýmynda jóndeý jumystary uzaqqa sozylǵan jaǵdaida, jylyna eki mln tonna igerilmeýi qaýpi bolǵanyn aitty.
«Árine, biz osynyń áserin tómendetý maqsatynda bizdiń munaidy KQK-dan bólek, basqa baǵyttar boiynsha eksporttaýdyń múmkindikterin qarastyrdyq. Qazirgi kezde kelgen shyǵyn eleýli deńgeide emes. Sondyqtan bastapqydaǵy josparymyzdy júzege asyra alamyz», - dedi vedomstvo basshysy.
