كاسپيي قۇبىر جەلٸسٸ كونسورتسيۋمى بويىنشا مۇناي ەكسپورتى جوسپارىن ورىنداۋعا بولادى. بۇل تۋرالى ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«كاسپيي قۇبىر جەلٸسٸ كونسورتسيۋمى ٶز جۇمىسىن جانداندىردى. اپات بولعان كەزدە بٸز باسقا بالامالى باعىتتاردى ٸسكە قوسۋدى تىرىسقان ەدٸك. جالپى, ەكٸ ميلليون تونناعا دەيٸن جوعالتامىز دەپ بولجانعان ەدٸ. ابىروي بولعاندا, ٷكٸمەت پەن ٶندٸرۋشٸ كومپانييالاردىڭ بٸرلەسكەن جۇمىستارىنىڭ ارقاسىندا اتالعان كٶلەم 300-350 مىڭ توننا شاماسىندا بولدى. بۇل ٶز كەزەگٸندە سونشالىقتى ەلەۋلٸ كٶلەم ەمەس, ونى بٸز جىل سوڭىنا دەيٸن يگەرە الامىز», - دەدٸ اقشولاقوۆ مەجٸلٸستٸڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرە وتىرىپ.
وسى ورايدا ول كاسپيي قۇبىر جەلٸسٸ كونسورتسيۋمىندا جٶندەۋ جۇمىستارى ۇزاققا سوزىلعان جاعدايدا, جىلىنا ەكٸ ملن توننا يگەرٸلمەۋٸ قاۋپٸ بولعانىن ايتتى.
«ەرينە, بٸز وسىنىڭ ەسەرٸن تٶمەندەتۋ ماقساتىندا بٸزدٸڭ مۇنايدى كقك-دان بٶلەك, باسقا باعىتتار بويىنشا ەكسپورتتاۋدىڭ مٷمكٸندٸكتەرٸن قاراستىردىق. قازٸرگٸ كەزدە كەلگەن شىعىن ەلەۋلٸ دەڭگەيدە ەمەس. سوندىقتان باستاپقىداعى جوسپارىمىزدى جٷزەگە اسىرا الامىز», - دەدٸ ۆەدومستۆو باسشىسى.
