«Kaspii» fýtbol klýbyn «Astanamen» ótken matchta jankúierleriniń tártipsizigi úshin jazalady, dep habarlaidy QazAqparat.
Qazaqstannyń kásipqoi fýtbol ligasy Qazaqstan fýtbol federatsiiasynyń baqylaý-tártiptik komitetiniń sheshimimen oiynnyń qaýipsizdigin qamtamasyz etpei, jankúierlerdiń qarsylas komandanyń oiynshylaryna bótelke laqtyrǵany jáne kórermenderdiń alańǵa shyqqany úshin jazalandy. Saldarynan «Kaspii» FK aǵymdaǵy fýtbol maýsymynyń sońyna deiin óz alańyndaǵy oiyndaryn kórermensiz ótkizedi.
Aita keteiik, Aqtaýdaǵy «Kaspii» komandasy men «Astana» FK arasyndaǵy Qazaqstan Kýbogynyń 1/4 finaly kezeńindegi kezdesý sońy keleńsiz oqiǵamen aiaqtaldy. Elordalyq klýb jartylai finalǵa shyǵyp, qosymsha ýaqytta 1:0 esebimen jeńiske jetken bolatyn.
Oiynnyń nátijesi jergilikti jankúierlerdiń narazylyǵyn týdyrdy. Nátijesinde olar jeńimpazdarǵa bótelke, basqa da zattar laqtyra bastady. Match aiaqtalǵannan keiin «Kaspii» FK jankúierleri stadion aýmaǵyna jinalyp, «Astana» FK avtobýsynyń ótýine kedergi jasaýǵa tyrysty.
