«كاسپيي» فۋتبول كلۋبىن «استانامەن» ٶتكەن ماتچتا جانكٷيەرلەرٸنٸڭ تەرتٸپسٸزٸگٸ ٷشٸن جازالادى, دەپ حابارلايدى قازاقپارات.
قازاقستاننىڭ كەسٸپقوي فۋتبول ليگاسى قازاقستان فۋتبول فەدەراتسيياسىنىڭ باقىلاۋ-تەرتٸپتٸك كوميتەتٸنٸڭ شەشٸمٸمەن ويىننىڭ قاۋٸپسٸزدٸگٸن قامتاماسىز ەتپەي, جانكٷيەرلەردٸڭ قارسىلاس كوماندانىڭ ويىنشىلارىنا بٶتەلكە لاقتىرعانى جەنە كٶرەرمەندەردٸڭ الاڭعا شىققانى ٷشٸن جازالاندى. سالدارىنان «كاسپيي» فك اعىمداعى فۋتبول ماۋسىمىنىڭ سوڭىنا دەيٸن ٶز الاڭىنداعى ويىندارىن كٶرەرمەنسٸز ٶتكٸزەدٸ.
ايتا كەتەيٸك, اقتاۋداعى «كاسپيي» كومانداسى مەن «استانا» فك اراسىنداعى قازاقستان كۋبوگىنىڭ 1/4 فينالى كەزەڭٸندەگٸ كەزدەسۋ سوڭى كەلەڭسٸز وقيعامەن اياقتالدى. ەلوردالىق كلۋب جارتىلاي فينالعا شىعىپ, قوسىمشا ۋاقىتتا 1:0 ەسەبٸمەن جەڭٸسكە جەتكەن بولاتىن.
ويىننىڭ نەتيجەسٸ جەرگٸلٸكتٸ جانكٷيەرلەردٸڭ نارازىلىعىن تۋدىردى. نەتيجەسٸندە ولار جەڭٸمپازدارعا بٶتەلكە, باسقا دا زاتتار لاقتىرا باستادى. ماتچ اياقتالعاننان كەيٸن «كاسپيي» فك جانكٷيەرلەرٸ ستاديون اۋماعىنا جينالىپ, «استانا» فك اۆتوبۋسىنىڭ ٶتۋٸنە كەدەرگٸ جاساۋعا تىرىستى.
