Kaspi.kz úshinshi jyl qatarynan qazaqstandyq zamanaýi mýzykanyń eń iri festivalderiniń biri – OYU Fest-tiń bas seriktesi bolady.
Festival 4-shi, 5-shi shildede Almatydaǵy «Birinshi mamyr toǵandary» demalys saiabaǵynda ótedi. Baǵdarlamada – tanymal jas oryndaýshylar, qazaqstandyq sahnada óner kórsetip júrgen jańa juldyzdar jáne eki hedlainer bolady, olardyń esimderin uiymdastyrýshylar ázirge qupiia saqtaýda.
Kaspi.kz basshysy jáne negizin qalaýshylardyń biri Mihail Lomtadze:
«Búginde zamanaýi qazaq mýzykasyn Qazaqstanda jáne odan tys jerde milliondaǵan adam biledi ári súiip tyńdaidy. Buǵan OYU jobasynyń qosqan úlesi zor, ol talantty oryndaýshylardyń úlken sahnaǵa shyǵýyna, al kórermenderdiń jańa juldyzdardy tanýyna kómektesedi.
Biz birneshe jyldan beri OYU Fest festivaline qýana qoldaý kórsetip kelemiz jáne zamanaýi qazaqstandyq mýzykaǵa degen qyzyǵýshylyqtyń artyp kele jatqanyna qýanamyz. Barshańyzdy festivalge shaqyramyz jáne jarqyn kóńil-kúi, jaqsy mýzyka men jańa belester tileimiz!».
Ótken jyly OYU Fest Almaty men Astanada 25 myń kórermendi jinady. Festival ótkizilgen bes jyldyń ishinde onyń sahnasynda «Ninety One», «Irina Kairatovna», Qairat Nurtas, Alem, Shiza, Yenlik, Dudeontheguitar, Daiynball, ALPHA, «Dos-Muqasan», Moldanazar, Ayau, Dequine jáne taǵy basqa juldyzdar óner kórsetti.
OYU Fest 2026 festivaline biletti Kaspi.kz mobildi qosymshasyndaǵy Kaspi Travel servisinde (silteme uialy telefonnan ashylady) satyp alýǵa bolady. 12 jasqa deiingi balalar, zeinetkerler men 1-shi jáne 2-shi toptaǵy múgedektigi bar adamdar úshin festivalge kirý tegin.
Kaspi.kz týraly
Kaspi.kz missiiasy – klientter men seriktesterdiń ómirin jaqsartatyn innovatsiialyq ónimder men qyzmetter jasaý.
Kaspi.kz servisterin Qazaqstan men Túrkiiada 25 millionnan astam klient pen 900 myń seriktes qoldanady. Qazaqstanda sýperqosymsha tólemder, elektrondy kommertsiia, onlain sýpermarket, finteh, saiahat, habarlandyrý, memlekettik qyzmetter men basqa da servisterdi biriktiredi. Túrkiiada Kaspi.kz eldegi jetekshi elektrondy kommertsiia platformasy – Hepsiburada-nyń iesi.
