Mańǵystaý oblysynda áskeri oqý-jattyǵý kezinde áskeri qyzmetshilerdiń qaza bolýyna bailanysty arnaiy úkimettik komissiia jumysyn bastady, dep habarlaidy ult.kz.
Komissiia Qazaqstan Respýblikasy Premer-ministriniń ókimimen quryldy. Oǵan Premer-ministrdiń orynbasary Qanat Bozymbaev tóraǵalyq etedi.
Komissiia quramyna Qorǵanys ministrliginiń, Mańǵystaý oblysy ákimdiginiń, Eńbek jáne halyqty áleýmettik qorǵaý, Tótenshe jaǵdailar, Densaýlyq saqtaý jáne Kólik ministrlikteriniń ókilderi, Bas áskeri prokýror jáne Shekara qyzmetiniń ókilderi kirdi.
Premer-ministr Oljas Bektenov komissiia tóraǵasy Qanat Bozymbaevqa oqiǵa ornyna shuǵyl baryp, áskeri qyzmetshilerdiń qaza bolýyna ákelgen sebepterdi jan-jaqty anyqtaýdy tapsyrdy.
Sonymen qatar komissiiaǵa qaza tapqan áskeri qyzmetshilerdiń otbasylaryna qajetti kómek kórsetýdi uiymdastyrý mindeti júkteldi.
Qaiǵyly oqiǵanyń naqty sebepteri tergeý nátijesinde anyqtalmaq.
Aita keteiik, Mańǵystaýda oqý-jattyǵý kezinde 9 áskeri qyzmetshi qaza tapty.
