Kaspii teńizindegi oqý-jattyǵý kezinde zardap shekken áskeri qyzmetshilerdiń biri Mańǵystaý oblystyq kópbeiindi aýrýhanasynda jatyr. Bul týraly oblystyq densaýlyq saqtaý basqarmasy málimdedi, dep habarlaidy ult.kz.
Qazir onyń jaǵdaiy turaqty aýyr dep baǵalanyp otyr.
«Naýqas dárigerlerdiń turaqty baqylaýynda. Oǵan barlyq qajetti meditsinalyq kómek tolyq kólemde kórsetilip jatyr. Mamandar tiisti em júrgizip, naýqastyń jaǵdaiyn baqylaýdy jalǵastyrýda», – delingen habarlamada.
Naýqastyń em alý barysy Mańǵystaý oblysynyń densaýlyq saqtaý basqarmasynyń baqylaýynda.
Aita keteiik, sýǵa ketken 19 áskeridiń 12-i kóz jumdy, 3 adam qutqaryldy. Al 2 áskeridiń denesi áli tabylmady.
