© Sputnik / Vladislav Vodnev
Áleýmettik jeli qoldanýshylary alaiaqtyqtyń taǵy bir túri shyqqanyn eskertti, dep habarlaidy Sputnik Qazaqstan.
Keń taraǵan videoǵa sáikes, Kaspi bank mobildi qosymshasynyń aram piǵyldy qoldanýshylary basqa bireýge aqsha aýdarǵany týraly jalǵan chekti sanaýly sekýndta jasai alady. Alaiaqtar jalǵan chekti saýda jasaǵan kezde satýshyǵa kórsetip, aldap ketýi múmkin. Ony jasaý úshin Telegram boty arqyly operatsiianyń oryndalǵan ýaqytyn, somasyn jáne jiberýshiniń aty-jónin jazyp jiberse bolǵany.
Bank qaskúnemderdiń qurbany bolmaý úshin aqshanyń túskenin dereý tekserý kerek ekenin eskertti.
"Mobildi qosymshadaǵy "Habarlamalar" servisi arqyly satyp alý, sheshý, tolyqtyrý nemese aýdarý týraly barlyq habarlama keledi. Barlyq operatsiianyń tarihyn "Meniń bankim" bólimindegi Kaspi Gold úzindisinen kórýge bolady. Bul alaiaqtyq áreketten qorǵaidy", - dedi Kaspi baspasóz qyzmeti.
Bank mundai Telegram bottardy buǵattaý úshin qoldan kelgenniń bárin jasaýǵa ýáde berdi.
Memlekettik kirister komiteti kassa apparaty arqyly berilgen chekterdiń tupnusqa ekenin qalai tekserý kerektigin aitty.
Salyq qyzmetkerleri Qazaqstanda aqshamen esep aiyrysý zańǵa sáikes baqylaý-kassalyq mashinalardy mindetti túrde qoldaný arqyly júzege asyrylýǵa tiis ekenin eske saldy. Bul apparat taýarǵa nemese qyzmetke tólengen somanyń chegin beredi.
Qazaqstandyqtar chektiń shynaiylyǵyn tómendegi saittarda teksere alady:
