Agroónerkásiptik keshendi damytý jónindegi 2022-2026 jyldarǵa arnalǵan Ulttyq joba sheńberinde azyq-túlik jáne qaita óńdeý ónerkásibinde jańa sharalar qolǵa alynady. Eldiń ónerkásiptik saiasatynyń keleshegi týraly Indýstriia jáne infraqurylymdyq damý ministri Beibit Atamqulov osylai dedi, dep habarlaidy QazAqparat.
«Qazaqstan Respýblikasynyń agroónerkásiptik keshenin damytý jónindegi 2022-2026 jyldarǵa arnalǵan Ulttyq joba sheńberinde azyq-túlik jáne qaita óńdeý ónerkásibi boiynsha Aýyl sharýashylyǵy ministrligi jańa sharalar retinde kelesilerdi qarastyrýda. Atap aitqanda, shikizat satyp alýǵa jeńildetilgen nesie beriledi. Odan bólek forvardtyq satyp alý quralyn damytý (onyń ishinde memlekettik satyp alý kezinde otandyq azyq-túlik taýarlarynyń offteik-kelisimsharttary arqyly) kózdelgen. Qaita óńdeý kásiporyndary qurylyp, keńeitiledi. Sapasyz arzan importqa qarsy kúres úshin múddeli ýákiletti organdardyń (ISM, DSM, AShM) ózara is-qimylyn kúsheitip, zamanaýi sapa standarttaryn ázirleý kerek», - dedi ol.
Onyń aitýynsha jalpy, júrgizilip jatqan sharalar biyl óńdeý ónerkásibiniń ósimin qamtamasyz etip, indýstriialyq saiasattyń tiimdi iske asyrylýyna eleýli yqpal etýi tiis.
