اگروٶنەركەسٸپتٸك كەشەندٸ دامىتۋ جٶنٸندەگٸ 2022-2026 جىلدارعا ارنالعان ۇلتتىق جوبا شەڭبەرٸندە ازىق-تٷلٸك جەنە قايتا ٶڭدەۋ ٶنەركەسٸبٸندە جاڭا شارالار قولعا الىنادى. ەلدٸڭ ٶنەركەسٸپتٸك ساياساتىنىڭ كەلەشەگٸ تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ وسىلاي دەدٸ, دەپ حابارلايدى قازاقپارات.
«قازاقستان رەسپۋبليكاسىنىڭ اگروٶنەركەسٸپتٸك كەشەنٸن دامىتۋ جٶنٸندەگٸ 2022-2026 جىلدارعا ارنالعان ۇلتتىق جوبا شەڭبەرٸندە ازىق-تٷلٸك جەنە قايتا ٶڭدەۋ ٶنەركەسٸبٸ بويىنشا اۋىل شارۋاشىلىعى مينيسترلٸگٸ جاڭا شارالار رەتٸندە كەلەسٸلەردٸ قاراستىرۋدا. اتاپ ايتقاندا, شيكٸزات ساتىپ الۋعا جەڭٸلدەتٸلگەن نەسيە بەرٸلەدٸ. ودان بٶلەك فورۆاردتىق ساتىپ الۋ قۇرالىن دامىتۋ (ونىڭ ٸشٸندە مەملەكەتتٸك ساتىپ الۋ كەزٸندە وتاندىق ازىق-تٷلٸك تاۋارلارىنىڭ وففتەيك-كەلٸسٸمشارتتارى ارقىلى) كٶزدەلگەن. قايتا ٶڭدەۋ كەسٸپورىندارى قۇرىلىپ, كەڭەيتٸلەدٸ. ساپاسىز ارزان يمپورتقا قارسى كٷرەس ٷشٸن مٷددەلٸ ۋەكٸلەتتٸ ورگانداردىڭ (يسم, دسم, اشم) ٶزارا ٸس-قيمىلىن كٷشەيتٸپ, زاماناۋي ساپا ستاندارتتارىن ەزٸرلەۋ كەرەك», - دەدٸ ول.
ونىڭ ايتۋىنشا جالپى, جٷرگٸزٸلٸپ جاتقان شارالار بيىل ٶڭدەۋ ٶنەركەسٸبٸنٸڭ ٶسٸمٸن قامتاماسىز ەتٸپ, يندۋسترييالىق ساياساتتىڭ تيٸمدٸ ٸسكە اسىرىلۋىنا ەلەۋلٸ ىقپال ەتۋٸ تيٸس.
