11 tamyzda elimizdiń qoǵamdyq birlestigi – QR Kásipodaqtar federatsiiasy ZOOM – konferentsiia ótkizdi. Konferentsiia barysynda Kásipodaqtar federatsiiasynyń ókilderi «Nur Otan» partiiasynyń praimerizin ótkizý bastamasyn qoldaitynyn málimdedi.
ZOOM-konferentsiiaǵa «Batys Qazaqstan oblysynyń Kásipodaq ortalyǵy» -Aigúl Esekenova, «Qostanai oblysynyń Kásipodaq ortalyǵy» – Ekaterina Smyshliaeva, «SENIM» densaýlyq saqtaý júiesi qyzmetkerleriniń salalyq kásiptik odaǵy» RQB – Saparbek Dúisenov, «Qurylys kesheni jáne TKSh qyzmetkerleriniń salalyq kásiptik odaǵy» QB – Kýsein Esenǵazin, «YNTYMAQ» qazaqstandyq orta jáne shaǵyn biznes qyzmetkerleriniń salalyq kásiptik odaǵy» RQB tóraǵasy Qairaqbai Jańabekov siiaqty beldi tóraǵalary (aýmaqtyq kásipodaqtar birlestikteri), sondai-aq «NurOtan» partiiasynyń hatshysy Álibek Aldenei qatysty.
Jiynnyń moderatory QR Kásipodaqtar federatsiiasy tóraǵasynyń orynbasary Nurlan Óteshev boldy. Ol elimizdiń iri qoǵamdyq birlestigi bastaýysh partiialarǵa qatysýǵa múddeli ekenin jáne «Nur Otan» partiiasynyń institýtsionaldyq seriktesi bolyp tabylatynyn atap ótti. Nurlan Óteshev búginde kásipodaq múshelerin qyzyqtyratyn jáne praimerizderge qatysý boiynsha birqatar jii qoiylatyn suraqtardy aitty. Atap aitqanda, kóterilgen suraqtar sailaýdyń sharttary men kezeńderi, elektoratpen onlain-kezdesýler men daýys berý tártibi, sondai-aq daýystardy esepke alý júiesi týraly boldy.
Partiia praimerizderine kásipodaqtyń qatysýy týraly aita kele, QRKF tóraǵasynyń orynbasary memlekettik basqarýdyń barlyq deńgeilerindegi áleýmettik-eńbek máselelerin sheshýde kásipodaq ustanymdaryn kúsheitýdiń mańyzdylyǵyn atap ótti. «Kásipodaqtar úshin áleýmettik seriktestik tek deklarativti qural ǵana emes, sonymen qatar praktikalyq sipatta bolǵanyn qalaimyz. Sondyqtan da biz osy protseske qatysatyn bolamyz», - dep málimdedi Nurlan Óteshev.
«Qazaqstandyq munai-gaz kesheniniń salalyq kásiptik odaǵy» QB tóraǵasy Sultan Qaliev óńirlerdegi kandidattarmen jumys isteýdiń mańyzdylyǵyna mán berdi. Onyń aitýynsha elektoraldy bazaǵa jáne belgili bir aimaqtyń áleýmettik-demografiialyq kartasyna bailanysty usynys sharttary bar.
Partiia hatshysy Álibek Áldenei praimerizderdi engizý – bul «Nur Otan» partiiasynyń qoǵamnyń jańa suranystaryna jáne barlyq ókildi organdardyń jańarýyna bergen jaýaby ekenin atap ótti. «Básekelestik negizdegi irikteý eń bilikti jáne bir salany jetik meńgergen azamattardy anyqtap qana qoimai, sondai-aq jańa ideialar, kózqarastar men jobalar beredi. Aldaǵy sailaý proportsionaldy júie boiynsha ótedi. Árbir sailaý okrýgi óziniń sailaýaldy baǵdarlamalaryn usynýy tiis, olar búginde óńirlerde bolyp jatqan ózekti máselelerdi kóterip jáne olardy sheshý arqyly kórinis tabady», – dedi Álibek Áldenei.
Esterińizge sala keteiik, jalpyrespýblikalyq partiiaishilik sailaý 2020 jyldyń 17 tamyzy men 3 qazany aralyǵynda ótedi. Praimerizdiń negizgi maqsaty partiialyq tizimderdi básekelestik jáne ashyq negizde qalyptastyrý.
Kásipodaqtar federatsiiasymen jáne «Nur Otan» partiiasy arasyndaǵy seriktestik birlesken is-qimyldar men yntymaqtastyqty úilestirý maqsatynda, onyń ishinde praimerizderdi ótkizý máseleleri boiynsha qol qoiylǵan ózara yntymaqtastyq týraly memorandým sheńberinde júzege asyrylady.
.jpeg)