QR Kásipodaqtar federatsiiasy Parlament Májilisi men máslihat depýtattary sailaýyna baiqaýshy retinde qatysady, dep habarlaidy "
«Keler jyldyń qańtarynda Parlament Májilisi men máslihat depýtattarynyń sailaýy ótedi. Qazaqstandaǵy eń iri qoǵamdyq birlestik retinde Kásipodaqtar federatsiiasy mańyzdy ishki saiasi protsesterden tys qala almaidy. Sondyqtan Kásipodaqtar federatsiiasy QR Parlamenti Májilisi depýtattarynyń sailaýyna eldiń sailaý zańnamasynyń barlyq normalarynyń saqtalýyn baiqaýshy retinde qatysýǵa nietti», - dedi Nur-Sultan qalasy Kásipodaqtar ortalyǵy tóraǵasynyń mindetin atqarýshy Tólegen Kúnádilov elordada ótken brifingte.
Onyń aitýynsha, biliktiń zań shyǵarýshy tarmaǵynda eńbek adamynyń múddelerin alǵa tartatyn adamdar kirse, jumysshylardyń quqyqtaryn qorǵaýǵa baǵyttalǵan ortaq kúsh-jiger jańa serpin alady.
«Sonymen birge, bizdiń áleýmettik áriptesterimizben yntymaqtastyqqa negizdelgen birlesken jumys qana qoǵamnyń negizgi demokratiialyq qundylyqtaryn saqtaýda aitarlyqtai jetistikke jetýge múmkindik beredi. Birlik, ádilet jáne damý - QR Kásipodaqtar federatsiiasy qyzmetiniń basty qaǵidattary», - dedi T. Kúnádilov.
Federatsiia Qazaqstan boiynsha myń jarymǵa jýyq sailaý ýchaskelerin qamtýdy josparlap otyr. Ár ýchaskege eki adamnan, jalpy úsh myńnan astam baiqaýshy darialaý kózdelgen.
