Kásipkerlik sýbektileri tekserý aktisiniń oń qorytyndysy shyqqan jaǵdaida ǵana jumysyn bastai alady. Bul týraly Úkimet basshysynyń orynbasary Eraly Toǵjanov málim etti, dep habarlaidy QazAqparat.
«Árbir nysandy ashylar aldynda ákimdik qyzmetkeri, qoǵam ókilderi, «Atameken» UKP ókili, kásipodaq uiymdary tekseredi. Tek barlyq talaptar oryndalǵan jaǵdaida ǵana tekserý aktisiniń oń qorytyndysy shyqqan soń nysandarǵa jumysyn bastaýǵa ruqsat beriledi. Onsyz nysandar jumysyn bastai almaidy», - dedi Úkimet basshysynyń orynbasary Eraly Toǵjanov OKQ-da ótken baspasóz máslihatynda.
Onyń aitýnysha, ashylǵan árbir nysandy mobildi toptar tekserip otyrady. Kórsetilgen talaptar oryndalmaǵan jaǵdaida biznes sýbektterine jabýǵa deiingi sharalar qabyldanady.
Eske sala ketsek, keshe Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn eki aptaǵa uzartýdy tapsyrǵan bolatyn. Memlekettik komissiia otyrysynyń qorytyndysy boiynsha Qazaqstanda karantin sharalary eki aptaǵa uzartyldy.
