video kadry
Urlanǵan qarajatty zańdy ainalymǵa tartqan Ánýarbek Jeksenǵaliev múlki tárkilenip, 6 jylǵa jáne 8 aiǵa bas bostandyǵynan aiyryldy. Qylmystyq tabys somasy 4,3 milliard teńge bolady, - dep habarlaidy «Ult aqparat» QMA málimetine silteme jasap.
QMA málimetinshe, ótkizilgen paralleldi qarjylyq tergeý nátijesinde qylmystyq aktivterdi jylystatýdyń kúrdeli shemasy zerttelgeni aityldy.
"Jeksenǵaliev memlekettik biýdjettiń 1,1 milliard teńgesin jymqyryp, ony baqylaýyndaǵy jalǵan qurylǵan kásiporyndardyń shottaryna aýdarý jolymen zańdastyrǵany anyqtaldy.
Sonymen qatar, ol qarajatty alyp, shetel valiýtasyna aiyrbastaý boiynsha qarjylyq operatsiialardy júzege asyrǵan. Sondai-aq, ol urlanǵan qarajatty jylystatý úshin jyljymaityn múlikpen jalǵan mámileler jasaǵan", - delingen habarlamada.
Qylmystyq kiristerdi zańdastyrý jáne jylystatý áreketteri 2019-2022 jyldar aralyǵynda iske asyryldy. Ol jer telimderin satyp alyp, qurylys kompaniialaryna ótkizip, paidalanýǵa berilgen úilerden syiaqy retinde páterlerdi alyp otyrǵan.
"Jeksenǵalievten memleket kirisine tárkilengen múliktiń somasy 4,7 milliard teńge bolady".
