QR Ulttyq mýzeiinde «Qasietti Qazaqstan» entsiklopediiasynyń tórtinshi tomy tanystyryldy, dep habarlaidy QazAqparat.
Tórtinshi jinaqta Pavlodar, Soltústik Qazaqstan oblysy jáne Shyǵys Qazaqstan oblysynyń mádeni jáne tarihi murasy qamtylǵan.
«Búgin «Qasietti Qazaqstan» eńbeginiń tórtinshi tomy jaryq kórdi. Entsiklopediia aiasynda men Shyǵys Qazaqstan oblysynda jumys istedim. Biz bul jumysqa Shyǵys Qazaqstannyń arheologiialyq, tarihi, mádeni eskertkishteri men geografiialyq landshaftaryn engizdik. Jalpy alǵanda, aimaqta ornalasqan 70-ten astam ártúrli tarihi eskertkishter qamtyldy. Mysaly, olardyń arasynda «Ablaikit» býddalyq monastyry bar. Túrki qaǵanatynyń zamanynan bergi «Eleke sazy» ǵibadathana kesheni, Semeitaý, Kókentaý taý silemderi jáne túrli kezeńderdi qamtityn basqa da eskertkishter bar», - dedi ǵalym, Nazarbaev Ýniversiteti oqytýshysy Aidyn Júnishanov.
Aita keteiik, «Qasietti Qazaqstan» bestomdyq entsiklopediiasynyń alǵashqy jinaǵy 2017 jyly jaryq kórdi. Onda Almaty jáne Aqmola oblystary, Almaty jáne Nur-Sultan qalalarynyń kieli nysandary kórsetilgen bolatyn. Osylaisha, jinaq kezek-kezegimen shyǵyp, Qazaqstannyń barlyq kieli oryndaryn qamtidy. Jinaq eki tilde – qazaq jáne orys tilderinde ázirlengen.
«Qasietti Qazaqstan» jinaǵynyń sońǵy besinshi tomy kelesi jyly shyǵarylýy múmkin.
