QR Kásipodaqtar federatsiiasy tóraǵasynyń birinshi orynbasary Muhtar Tinikeev jumys berýshi qashyqtan eńbek etetin qyzmetkerlerin qajetti bailanys quraldarymen qamtamasyz etýi kerektigin málim etti, dep habarlaidy QazAqparat.
«Pandemiia bastalǵanda Eńbek jáne halyqty áleýmettik qorǵaý ministrligi qashyqtan jumys isteitin qyzmetkerler elektr jaryǵymen, internetpen jáne jumys qajettilikterimen qamtylýy kerektigin málim etken edi. Alaida bul tártip eshqaida saqtalmai keledi. Bári de óz qarajatymen qashyqtan jumys júrgizip jatyr. Bul jaǵdai eńbek quqyǵynyń buzylǵanyn bildire me?» - degen suraq qoiyldy «Kásipodaqtar kómegi jáne kásiporyndarda karantindik sharalardyń saqtalýyn baqylaý» taqyrybynda OKQ-da ótken baspasóz máslihatyna qatysýshylarǵa.
Bul suraqqa QR Kásipodaqtar federatsiiasy tóraǵasynyń birinshi orynbasary Muhtar Tinikeev jaýap berdi.
«Sózsiz bul – eńbek quqyǵynyń buzylǵanyn bildiredi. Ózderińiz biletindei, Eńbek kodeksine túzetýler engizilip, onyń 138-babynyń 2-shi tarmaǵynda «jumys berýshi qashyqtan eńbek etetin qyzmetkerlerin qajetti bailanys quraldarymen qamtamasyz etýi kerektigi» jazylǵan. Eger qyzmetker óziniń bailanys quraldaryn paidalanatyn bolsa, onda jumys berýshiler sol agregatqa kerekti qosymsha qurylǵylardyń bárin berýi tiis. Jumys berýshi internet úshin de, elektr jaryǵy úshin de tóleýi kerek. Bul máseleniń bári taraptardyń kelisýimen sheshiledi», - dedi ol.
