QR Tsifrlyq damý, innovatsiia jáne aeroǵarysh ónerkásibi ministri Asqar Jumaǵaliev Qazaqstanda mektep oqýshylaryna onlain túrde sabaq berý nelikten múmkin bolmaǵanyn túsindirdi, dep habarlaidy QazAqparat.
«Búginde strimingtik júielerdi paidalaný arqyly oqytýdy uiymdastyrý múmkin bolmai tur. Sebebi atalǵan júieler osynshama aýqymdy paidalanýshyǵa qyzmet kórsetýge daiyn emes jáne eleýli júktemeni sezinip otyr», - dedi ministr «Habar 24» telearnasynyń tikelei efirinen.
Onyń sózine qaraǵanda, 1 sáýirde tiisti testileý júrgizilgen, alaida sheteldik Zoom servisi mektep oqýshylaryna qyzmet kórsetý boiynsha júktemeni kótere almady.
Sonymen qatar ol búginde barsha álemde internetpen ári túrli servisterdiń jumysynda problemalar bar ekenin jetkizdi. Barlyq álem elderinde tehnikalyq qýatty eki esege arttyrý qajettigi týyndady.
Onyń sózine qaraǵanda, QR Bilim jáne ǵylym ministrliginde tiisti Kundelik júiesi bar.
«Kúndelik júiesin birshama nyǵaitý kerektigi túsinikti bolyp tur, iaǵni qashyqtan keńeitilgen túrde oqytýdy usyný úshin optsiialar turǵysynda jetildirý qajet», - dedi A. Jumaǵaliev.
