قر تسيفرلىق دامۋ, يننوۆاتسييا جەنە اەروعارىش ٶنەركەسٸبٸ مينيسترٸ اسقار جۇماعاليەۆ قازاقستاندا مەكتەپ وقۋشىلارىنا ونلاين تٷردە ساباق بەرۋ نەلٸكتەن مٷمكٸن بولماعانىن تٷسٸندٸردٸ, دەپ حابارلايدى قازاقپارات.
«بٷگٸندە ستريمينگتٸك جٷيەلەردٸ پايدالانۋ ارقىلى وقىتۋدى ۇيىمداستىرۋ مٷمكٸن بولماي تۇر. سەبەبٸ اتالعان جٷيەلەر وسىنشاما اۋقىمدى پايدالانۋشىعا قىزمەت كٶرسەتۋگە دايىن ەمەس جەنە ەلەۋلٸ جٷكتەمەنٸ سەزٸنٸپ وتىر», - دەدٸ مينيستر «حابار 24» تەلەارناسىنىڭ تٸكەلەي ەفيرٸنەن.
ونىڭ سٶزٸنە قاراعاندا, 1 سەۋٸردە تيٸستٸ تەستٸلەۋ جٷرگٸزٸلگەن, الايدا شەتەلدٸك Zoom سەرۆيسٸ مەكتەپ وقۋشىلارىنا قىزمەت كٶرسەتۋ بويىنشا جٷكتەمەنٸ كٶتەرە المادى.
سونىمەن قاتار ول بٷگٸندە بارشا ەلەمدە ينتەرنەتپەن ەرٸ تٷرلٸ سەرۆيستەردٸڭ جۇمىسىندا پروبلەمالار بار ەكەنٸن جەتكٸزدٸ. بارلىق ەلەم ەلدەرٸندە تەحنيكالىق قۋاتتى ەكٸ ەسەگە ارتتىرۋ قاجەتتٸگٸ تۋىندادى.
ونىڭ سٶزٸنە قاراعاندا, قر بٸلٸم جەنە عىلىم مينيسترلٸگٸندە تيٸستٸ Kundelik جٷيەسٸ بار.
«كٷندەلٸك جٷيەسٸن بٸرشاما نىعايتۋ كەرەكتٸگٸ تٷسٸنٸكتٸ بولىپ تۇر, ياعني قاشىقتان كەڭەيتٸلگەن تٷردە وقىتۋدى ۇسىنۋ ٷشٸن وپتسييالار تۇرعىسىندا جەتٸلدٸرۋ قاجەت», - دەدٸ ا. جۇماعاليەۆ.
