"Ənniń de estisi bar eseri bar, Tyńdaýshynyń qulaǵyn keseri bar" dep Abai atamyz aitqandai essiz ənder men, eser, daýsy joq yńyrsyǵan ənshiler fonogramma degen qudirettiń arqasynda halyqtyń sanasyn ýlap, qazaq sahnasyn, telearnasyn, teleradiosyn lastap jatyr.
"Aiaǵy las adam esikten tórge deiin lastaidy, Peiili las adam besikten kórge deiin lastaidy" dep dana halyq aitqandai, tórimizde namystan jurdai denesin ashqan, kúlin shashqan, óz-ózin syipalaǵan nebir ar-uiattan jurdai shoshańdaǵan qyzdarymyz, qulaǵyna syrǵa taǵyp, shashyn túrli túske boiaǵan qyz keipindegi jigitterimiz telearnanyń betin bermei, kórge deiin lastamasa bolǵany.
Biz qaida baramyz?! Úkimet qaida qarap otyr?! Mədeniet jəne sport ministriniń qulaǵyna altyn syrǵa. Fonogrammaǵa zań júzinde shekteý qoiylý kerek. Myna soraqylyqqa qashan núkte qoiylady?Qashanǵy ótirik ónerdi dəripteimiz. Ənshi bolǵysy kelse jandy daýysta ən salsyn. Sonda belgili bolady kim ənshi, kim jalshy ekeni.
Dəstúrli óner nege tasada qalý kerek? Qazaqtyń əni, kúii, jyry qazaqqa ǵana kerek. Ol ult qazynasy, murasy. "Qazaqtyń dəstúrli ulttyq óneri, əni ólse, ədebieti jesir qalady" degen Sultanmahmut Toraiǵyrov.
Ardaq Isataevanyń feisbýktegi jazbasynan
